" Carito Si Buyuang Binguang - #5 "

                                                   * IKAN MADA *


     Agak jauah dari rumah si Buyuang ado batang aia. Batang aia tu agak gadang. Aianyo agak dalam. Di situ agak banyak ikan nan agak gapuak-gapuak. Si Buyuang agak acok kali pai mamanciang ka sinan. Sakurang-kurangnyo agak sakali sapakan.
     Duo hari nan lalu inyo lah ka ken pulo mamanciang. Alin cukuik satangah jam, lah dapek ikan gapuak-gapuak duo baleh ikua. Sakalian ikan tu di lungguakkannyo dalam embe.
     Inyo taruih mamanciang. Tibo-tibo, ado ikan dalam embe tu nan agak ketek manggalapa-galapa. Dek kareh galapanyo, ditambah pulo embe cako lah ampia panuah dek ikan, talompek ikan cako ka batang aia; hilang sakali.
     " Oooooiii, jan lari, " kato si Buyuang Binguang. " Lakeh babaliak ka dalam embe !! " soraknyo. Tapi ikan tu ndak nampak lai.
     Dicokoknyo ikan nan lain dari embe tu, doloncekkannyo ka dalam batang aia. " Pai japuik kaan ang ! " parentahnyo.
     Dek karano alun juo babaliak, disuruahnyo sikua lai manjapuik. " Suruah kamari kawan ang cako ka duonyo. Agak capek stek !! " hariaknyo.
     Kasudahannyo sakalian ikan dalam embe tu tapaso disuruahnyo pai maimbau ikan nan lari cako.
     Lah salambek a si Buyuang mananti, sambia duduak tamanuang. Inyo berang bana ka ikan-ikan tu. " Ikan mada. " katonyo. " Kini rasai dek kalian. Den ka pilang lai. Sikua, indak buliah pai jo den. "
     Si Buyuang bagageh pulang, sambia manjenjeng embe. Sabab hari lah sanjo.
     " Tu salamo tu bana ang..? " tanyo mamaknyo.
     " Iyo, " kato si Buyuang. " Ikan-ikan tu tangka bana. Nan  manggalapa tu den suruah japuik dek kawan-kawannyo. Tapi ndak sikua juo nan babaliak do. "
     " Oooooooiii alah.. " kato mamaknyo.




NB : ndak ado maksud manyindia atau manyingguang parasaan urang lain.