" Carito Si Buyuang Binguang - #4 "

                                                * MAMBALI LIMAU *


     Si Buyuang disuruah mamaknyo mambali limau ka pakan.
     " Piliah limau nan rancak-rancak, saringgik ciek. Indak katuju di den limau nan murah tu do, " kato mamaknyo.
     Si Binguang pai ka pakan. Jolong tibo di pakan, basarobok jo urang manjua limau sakali.
     " Bara ciek? "tanyo si Binguang
     " Sasuku, " jawek urang tu
     " Indak amuah saringgik? " kato si Binguang
     " Limau ambo ko sasuku ciek " kecek urang tu
     " Saringgik sajolah. Bangih mamak ambo, kalau ambo bali sasuku ciek. Ndak katuju dek mamak ambo tu limau nan murah do, " kato si Buyuang.
     " Suko ati ang se lah. Kok mangkitu kecek ang, ka baa juo, " kato urang nan manjua limau.
     Dibayia nyo dek si Buyuang limau tu saringgik ciek. Lai agak sakaranjang ketek.
     Tibo di rumah, bakato mamaknyo : " Iko limau nan saringgik ciek? " mamaknyo tu bangih-bangih. " Nan sarupo iko, sasuku ciek ko, " hariak mamaknyo.
     " Iyo, kato urang nan manjua sarupo itu pulo. Ambo katokan ka inyo baraso ambo amuah mambali saringgik ciek. Ambo kecekkan pulo baraso di mamak indak katuju limau nan murah do. Kasudahannyo lai amuah nyo manjua saringgik ciek, tu mangko amuah pulo ambo mambali. " jawek si Buyuang.
     " Oi pantiak aih.. Parangai ang iyo bana nyo.. Iyo lah ka mujua den. " kato mamaknyo.




NB : indak ado maksud manyindia atau manyingguang parasaan urang lain..