" Carito Si Buyuang Binguang - #3 "

                                                     *  SULIANG *

     Si Buyuang dapek pitih dari bapaknyo untuak pambali suliang di pakan. Sang bana hatinyo. Dibalinyo suliang ciek, suliang tu rancak bana; bakilek-kilek pulo lai.
     Tibo di rumah diparagokan nyo suliang tu ka bapaknyo.
     " Cubo la bunyikan, " kato bapaknyo.
     Diambuihnyo dek si Buyuang, tapi ndak amuah babunyi. ruponyo suliang tu rusak.
     " Kok ang mambali barang,, ancak dicubokan dulu. Antah iyo lai elok barang nan bali tu antah indak, " kato bapaknyo.
     " Jadih pak, " jawab si Buyuang.
     Antaro tigo ari sasudah itu, si Buyuang disuruah bapaknyo pai mambali api-api ka lapau. Lamo bana inyo mangko ka babaliak.
     Katiko si Buyuang tibo di rumah, batanyo bapaknyo : " Baa kok salamo tu bana ang pai mambali api-api Yuang? Kama ang pai mambali api-api? "
     " Ambo mambali api-api ko ka lapau nan di muko tu pak, nan dakek kelok tu a, " jawab si Buyuang
     " Baa kok salamo tu bana ang? " tanyo bapaknyo.
     " Dek alun sudah, tu mangko lamo ambo pak, " jawab si Buyuang
     " Ah..? Alun sudah..? Manga ang..? " tanyo bapaknyo
     " Alun sudah macubokan api-api tu. Lah ambo cubokan, lai amuah iduik sadoalahnyo pak, " jawab si Buyuang.
     " Iyaaaaaaaaaiii, " birunguik bapaknyo.




NB : ndak ado maksud untuak manyindia atau manyingguang perasaan urang lain.