Si Buyuang datang ka rumah tatanggonyo, samia bakato :
" Bari lah pitih saketek. Ambo sadang mangumpuakan pitih untuak urang miskin. Urang miskin tu sadang bautang ka urang lain, "
Tatanggonyo manjawab :
" Waang sabana elok hati. Tarimo lah ko,, ado saketek pitih den, "
Katiko si Buyuang bajalan, batanyo tatanggonyo tu :
" Sia ko lah urang miskin tu? "
" Ambo sandiri urang miskin tu, " jawabnyo.
" Paja cadiak aka, " pikia tatanggonyo tu.
Sabulan sasudah itu,, datang pulo si Buyuang ka tatanggonyo tu baliak..,
" Barangkali waang sadang mangumpuakan pitih untuak urang miskin pulo, untuak pambaia utang ka urang lain. Iyo tu? " kato tatanggonyo.
" Iyo, iyo, " jawab si Buyuang.
" Waang pulo nan urang miskin tu? "
" Indak ! Pitih ko den kumpuakan untuak urang miskin nan lain, " kecek si Buyuang.
" Kok baitu tarimo juolah ko,, saketek, " janyo tatanggonyo tu.
Si Buyuang manarimo pitih tu. Tapi katiko inyo lah ka pai bana, tatanggonyo tadi batanyo juo,
" Manga waang bana nan mangumpuakan pitih ko kini? "
" Sababnyo,, urang miskin nan lain tu, sadang bautang ka den, " katonyo.. Baru nyo pai, indak malengah-lengah lai,-
Dari Penulis :
Carito ko hanyolah carito rekayasa.. Indak ado saketekpun tujuan untuak merugikan urang lain, manyindia, ataupun hal-hal negatif lainnyo..
